早前嘅篩查活動順利完成，今日同大家分享更多精彩花絮！一連兩日嘅活動內容相當豐富，除咗為各位男士提供前列腺特異抗原 (PSA) 篩查服務外，另一焦點環節就係專科醫生親臨現場同大家前「腺」傾一傾！

今次活動我哋十分榮幸邀請到合共 16 位專科醫生輪流上台分享。喺 8 場嘅「前『腺』傾一傾」環節入面，醫生們將專業嘅醫學知識化繁為簡，為大家深入淺出地講解前列腺健康資訊，唔少男士同家屬都表示獲益良多，對前列腺健康有更全面嘅認識！

喺度衷心感謝各位醫生喺百忙之中抽空出席，為推廣大眾嘅前列腺健康教育不遺餘力！同時，亦要特別鳴謝 4 位醫生擔任主持人，帶領討論同交流，令各場分享得以圓滿舉行！

大家記得密切關注我哋Facebook專頁，咁就可以第一時間接收到最新嘅前列腺健康資訊同未來嘅活動消息啦！