由香港泌尿腫瘤科學會、香港泌尿外科學會聯同香港中文大學何善衡泌尿中心合辦嘅【前「腺」支援 盡早篩查 — 前列腺特異抗原篩查日2026】已於6月6至7日圓滿結束，多謝每一位男士嘅積極參與！

一連兩日嘅活動成功為約800位男士提供前列腺特異抗原 (PSA) 篩查服務。咁多男士願意踏出第一步，主動了解同守護前列腺健康，實在令人非常鼓舞！

衷心感謝醫護團隊兩日以嚟嘅專業付出，以及每一位工作人員嘅努力，為參加者提供咗一個安全、舒適及流暢嘅篩查體驗。

雖然今次活動已經完結，但希望各位男士持續留意自己嘅身體狀況，尤其係50歲以上嘅朋友，如果發現小便習慣改變，千祈唔好忽視，記得定期進行篩查，早發現早治療！

多謝各位支持，明年再見！

此活動由拜耳醫療保健有限公司、 香港安斯泰來製藥有限公司、 強生（香港）有限公司、 武田藥品(香港)有限公司、 阿斯利康（香港）有限公司、 益普生國際（香港）有限公司及輝凌製藥有限公司全力支持。

傳媒查詢：
博訊公關顧問
李小姐
電話：9811 3380
電郵：w.lee@prppl.com