由香港泌尿腫瘤科學會、香港泌尿外科學會聯同香港中文大學何善衡泌尿中心合辦嘅【前「腺」支援 盡早篩查 — 前列腺特異抗原篩查日2026】，今日喺荃灣荃新天地2期中庭順利揭幕，完成咗首日嘅篩查活動！

今年活動反應非常熱烈，吸引咗好多關注健康嘅男士專程前來參與。現場見到唔少男士有太太或者子女貼心陪同，一齊透過專科醫生嘅健康講座同展覽了解前列腺健康資訊，大家對預防前列腺癌嘅重視實在值得讚賞！

活動得以順利進行，衷心感謝一班醫護人員同工作人員嘅專業講解同全力付出，盡心盡力為各位男士提供前「腺」支援。

提提大家，聽日（6月7日）Day 2 活動將會於早上 11 點至下午 5 點喺同一地點繼續進行。已經成功登記或收到候補名額確認電話嘅朋友，記得喺指定時間內準時到達現場喇！聽日見！