由香港泌尿腫瘤科學會、香港泌尿外科學會聯同香港中文大學何善衡泌尿中心合辦嘅【前「腺」支援 盡早篩查 — 前列腺特異抗原篩查日】，今日喺將軍澳新都城中心3期順利揭幕，完成咗首日篩查活動！

今年依然吸引咗唔少醒目男士專程前來，有好友結伴同行，亦有貼心家人陪同檢查。特別感動嘅係，有太太親自陪丈夫一齊了解健康狀況，大家對前列腺健康嘅關注實在值得讚賞！

活動背後，亦要衷心感謝多位醫護人員嘅專業講解同全力付出，盡心盡力地為各位男士前「腺」支援，令活動順利進行。

聽日Day 2活動將於早上11點至下午5點喺同一地點繼續進行，仲有少量即場報名名額。今日嚟唔到嘅朋友，記得把握機會喇！

傳媒查詢：
博訊公關顧問
李小姐
電話：9811 3380
電郵：w.lee@prppl.com